Version XIII ^ème

Près estoit jà de l’ajourner,

Poy ont dormi jusque au matin

Que hiraut mainnent grant tintin.

Par rue vont criant le cours :

Or sus, chevaliers, il est jours.

Dont véissiés esmarveillier

Les gens pour aler au moustier.

Après quant le messe oy orent

S’atournerent plus tost que porent

Ens es deus villes ; esgarder

Puissiés dames acesmer

De dras de soie et de samis

Bien atournées à devis :

Ce sambloit uns drois paradis.

Là oïst-on trompes boudir,

Tabours sonner, timbres tentir.

As osteux li preux baceler

Se hastoient forment d’armer.Li jours fu clers, solaus leua…

Version XV ^ème

Jusque ce vint le matin que les heraulx alerent avant les rues, criant a haulte voix que chascun s’armast.

Alors veissiés chevaliers appareillier et eulx ordonner pour aller a l’eglise oÿr le service divin ; apprès la messe oÿe et qu’ilz orent prins chascun une souppe en vin, ilz s’armerent et appresterent es deux villes, c’est assavoir a La Fere et a Vendeul.

Lors veissiés venir dames et damoiselles par grans troppeaulx et par grans assamblees ; des habillemens et paremens dont elles estoient aournees ne vous veul tenir long compte, car assés est a croire que chascune endroit soy s’efforcha de soy monstrer, en especial la dame de Coucy sus toutes aultres estoit richement habillye, sy tirerent toutes es hours ainsy et pareillement que le jour devant aoient fait.

La encommencherent de soner trompettes et menestrés a grant force.

Le jour estoit cler et net ; chevaliers et bacelers pou le beau temps se resjoÿssoient ; pour eulx armer et habillier…